البنتلي
هاتولي البنتلي لو في طرف سكهـ
أبغي أطالع حبيبي ع البلكونه
...
لو سهم عينه بقلبي صوب و شكه
ما ردت دونه لو إن الموت من دونه
...
أقلب بعلبك لو يامر بعلبكه
وأرض الكنانه عشانه أرض مكنونه
...
رمشه يهودي و لكن قبلته مكه
له رمش كافر لو الإسلام في عيونه
...
كم درهم من ذهب هارون ما سكه
و كم درهم زاد سعره لجل هارونه
...
بشري بمليون لكن ما معي فكه
من يقدر يفك و المليون مليونه
...
يا صاحبي لا تبيع الجبن في عكه
الجبن أكثر أهل عكه يبيعونه
...
و الشعر أماشيه بعض الأحيان و أدكه
عاقل ولكن بيوت الشعر مجنونه
...
كل المزايين لول و خلي اليكه
و اليك يفرق حلاه ووزنه ولونه
...
يا معشر القوم آنس في الحشا تكه
حسبي على اللي بقلبي وثق طعونه
=====
بنتلي /للشاعر الشيخ حمدان بن محمد
رد: بنتلي /للشاعر الشيخ حمدان بن محمد
العرض العادي
