بسم الله الرحمن الرحيم
السلام عليكم جميعا
وصبحكم الله يالخير
تدرون يالزكرت اني ماجاني النووم ؟؟ مدري وش اللي طرى علي تقلبت وفكرت وخلصت افكاري ونزلت والقى عجزي مشغلين اذاعة الرياض نورن على الدرب واتسمعها اخبر اسلوبهم يجيب النوم بس مافيه فايده
قلت يابنت اطلعي بس قولي سالفة واحد طش للعيال والبنات يله ولا يزعلون ياله في المنتدى
==> اما اليوم وناسه مقدمتي جت قصيره خخخخخخخخخخخخ
اول شي خلوني اقولكم وش هي واحد طش يالله ماتعرفونها ؟؟
واحد طش لعبه اسمها قديما كذا واسمها الجديد عند الدلوعين واهل النعمه غميمه ==> يااااااي خخخخخخ
المهم اكيد انكم عرفتو اللعبه بس انس بشرح اكثر واوضح لدروج والسطول اللي مايفهمون الا بشرح ههههههههه
اللعبه هاذي يجي واحد من العيال او البنات ويحط وجهه في الجدار وهو متكي على يده طبعا ومغمض عيونه (مغمي يالجديدين) هح هح
المهم ويعد من واحد الي عشره والباقين كلن يدووور له مزبن ==> يعني مخبى يادلوعين انتم ههههههه
وهذاا اذا خلص يروح يدور الشله ويكفشهم واللي يوصل مكان الي كان يعد قبل لايشوفه ويقوله واحد طش ولا في القانون الثاني تنحاش ويطقك على ضهرك ويقول واحد طش يفوز
واللي ينكفش يجي يعد عاد بدال الاولاني
مثل الدلوخ اللي جو يلعبون هاللعبه من عشر سنين ولا زال البحث جاري عن المفقودين حتى يومكم هذا خخخخخخخخخخخخخخخ
المهم ماعلينا الزبده في الموضوع اني انا واخواني طبعا ماشاءا لله واجد عن حاره الله يحط البركه فيهم
كنا نلعب واحد طش وكان الدور على واحد من خواني ومغمض عيونه وتسمعه بأعلى صوته واااااااحد طش ثنين طش
وكذا اللي عشره طش ويسئل بعد هاااااااااااه افتح ؟؟ وحنا ايه ايه يله خخخخخخخخخخخخخخخخخ
ياخووي بسم الله علينا وقسم برائه
المهم ان اخوي توزى في موزى مهووب صاحي وقسم لو تجي مكافحة المخدرات وحقين ارامكو يدورونه مالقووه خخخخخخخخخخخخخخخخخخخ
كان عندنا دولالالاب كبييييييييييييير وهويفتح باب الدولاب ويدخل من ورى الثياب كذا في الاخير وتوزى
طبعا ياجماعه الجوو كان برد وهو في هالموزى بصراحه لقا الدفى وجاه النوم واخوكم في الله يدقها نومه وجحد ابو ابو اللي كانو يدورون هههههههههههههههههههه
المهم انهم قعدو يدورونه ويدورونه ويدورونه مالقونه الاجاويد ؟؟ وونقوم نروح نعلم ابوي
ويجي الشايب ويدور منا ومنا ولا فيه فايده ==> ابووك يالمفقود في بيتنا من كبره خخخخخخخخخخخ
المهم الموضوع تطور وابوي يبلغ الشرطه ويرحوون خواني المستوصف اللي جمبنا يدورون فيه وهم يطردونهم يحسبونهم يستهبلوون خخخخخخخخخ
المهم اقولكم قعدو يدورونه في المستشفيات والسجون بسم الله عليه والدنيا كلها قامت وقعدت بحثا عنه
وهو في الدولاب نايم ههههههههههههههههههههههههه الله يرجه وقسم على مخه من جد احسه مليان بلك مدري طقم سراميك ههههههههههههههههههههه
المهم مدري من اللي جاء يبي يلبس ثوبه ويمعطه الثوب الا ناشب ==> يعمط يعني يجر او يسحب .... وناشب يعني متورط خخخ لالا يعني متعلق
المهم شك ابو الشباب يوم ناظر الا وهو طاقها نوومه وهو يجيك طاير يبه يبه لقينا الولد
تحسبون ان ابووي جاي مشتاق له ولمه كذا بقووه زي 911 هاهااهااا الا والله جانه بعقاله اللي عرضه عرض كفر سيكل ابو ثلاث كفرات ويمسكه مع يده ويرفعه ويمغطه ويمغطه انواع الجلد وهو توه قايم من النوم مدري وش السالفه وتسمع انواع السب ياملعون الحرثان يابو سروال منقط خخخخخخخخخخخخخخخ
ياخوي ابووي جلف الله يطولي بعمره
المهم انه فكه منا وهو يدز لمن غرفته وراح لفراشه ==> والله انه لزقه بعد كان ينام مع ابوي وامي في الغرفه خخخخخخخخخخخخخخ
المهم انه كملها نوومه وسلامتكم وخلصت السالفه
وعلى فكره الموضوع طرالي يوم اني ماجاني النوم تذكرت ان اخوي نام في دولاب والحين وشلون ماينام على سرير ومكيف وونااااااسه تهي تهي
تشكراتي لكم
واحــد طــش .... (قصه مأساويه) .. !!
