مرحب
وش حالكم يالربع؟ علكم بخير؟
من واقع تجربة بين الفتك والاستيشن واثنيناتهم وحوش
أولا: جربت Gx_r موديل 2000 و 2002 و2007، أقوى دفعة جربتها ال 2000
الصراحة الاستيشن ولا بلاش استخدام شخصي و عائلي وشبابي، صرفية معقولة و عزم ومشي حلو خاصة القير العادي ويكون جي.
ال 6 سلندر هدرز وفلتر وكمبيوتر وانت والخير رباعة.
ال 8 ما عليه زود أبد إن كان عادي بقول لك روح القلب داعي لك.
بالمعنى المفيد لكل الاستخدامات و لكل زمان ومكان.
ما يقرقع وفي الخط ثابت ومايدخل هوا زايد.
حق اللعب يقول لك زيدني وبزيدك، حق البر يمشي بس مب حق صعدات قوية.
لو انه ثقيل بس الصراحة ابدعوا فيه اليابانيين
جربت الفتك موديل 2004 وموديل 2006، الصراحة أقوى دفعات ال 2002، 2003، 2004
الصراحة ال 2004 تماتيك ما عليه كلام أبد من ناحية المشي
ال 2006 عندي قير عادي ما فيه حيل مول
الفتك شبابي حق خرشة شباب وحق بر وحق لعب، مب شرات الاستيشن ثابت وما يقرقع.
ينفع حق العوائل بس المساحة ضيقة.
الصراحة الفتك حق الناس البطرانين.
القير العادي منه يعجبك والتماتيك كلن يلعب دوره
من ناحيتي أنا الاستيشن الصراحة ولا بلاش بس الفتك عشق ما بتخلى عنه ، لو الكل يعرف له محد بياخذ غيره
من تجارب دعاس الشوارع خاصة مع الاستندرات أنا استخدم الفتك 2004 تماتيك صافي وكالة بعد ما مسواي له صيانة من فترة طويلة
جربت مع واحد من الشباب من الواقف عنده استندر عليه بلاوي الدنيا بس بدون توربو، دوار لين دوار يعني مسافة كيلو و 200 متر، المهم أول مره أنا جدام بمسافة عمود، المرات الثلاث الاخيرة ويه موتره بس متجدم. المهم وقفته قلت له ما شاء الله مزود قال لي لا بس هدرز وفلتر وتم يحلف، المهم قلنا بنداعس خط ضحك وقال لي ببصم لك بالعشرة بتقدم عشر عواميد، جربنا من دوار الكتاب لخط المطار المهم لين ال 170 أنا قدام من عقبها اختفى، سألت عنه قالو لي مجرب مع X5 متجدم عنه خط.
جربت مع واحد ثاني ذهبي 2006 الصراحة كان مشيه عجيب، خطفت عليه القير الثالث متعمد اخلي الموتر يتف عليه، ما وحا لي اصد من الجامه إلا هو مخطف علي طلقة، اشر لي عسب نرجع نفس الشارع وجربنا، نفس الحالة من على الماشي ل 160 أنا جدام عقبها خطف علي، جربنا على الواقف مرتين تجدمت عنه مرتين، طلع فورويل يخليه يصرخ القير الاول والثاني ما يطيع يركب بسرعة، اشويه الا دوريه ورانا وكلن في طريقه بس الصراحه حسه كان خبال.
هذيل أقوى استندرين جربت وياهم، والفتك وكالة مره بس تمرين صح
هذا اللي أنا جربته
اكتشفت إن الفتك قومه والاستندر خط بس
