حلى الشتلات
خفيف وحلو وبسيط يستاهل بواكم يا حلوين
المقادير:
*الطبقة الأولى: كيك سويس رول مقطع حلقات
*الطبقة الثانية: صوص الشوكولاته السائلة
*الطبقة الثالثة:
2 كيس دريم ويب
10 قطع جبن كيري
علبة كريمة Kdd(أو أي كريمة سائلة)
1 كيس كريم كراميل
*الطبقة الرابعة:
بسكويت اوريو مطحون
*الطريقة:
تقطع السويسرول ونحطه بقاع الكوب
نحط شوية صوص كاكاو على الكيك
بعدين نخلط مكونات الطبقة الثالثة بالخلاط إلى أن يتماسك ، مثل الصورة ونحطه على الكيك.
نطحن بسكويت الاوريو(بدون الكريمة) بالمطحنة ، مثل الصورة ونرصة بالملعقة فوق الخلطة.
وتزين بعرق من أوراق النعناع الطازج
وهذه صوره مكبره
ملاحظه..
الكوب اللي استعملتة كوب القهوة البلاستيكي..
إذا بتقدمونة للضيوف أحسن شي البسكويت والنعناع تحطونة قبل التقديم مباشرة...لأن النعناع في الثلاجة يذبل والبسكويت مايصير هش .......
وادعولي بالخير...وللي نقلت منها..
بس اقولكم جربته ,وايد حلو والله يذكرها بالخير اللي تجيبه لنا في الدوام .....
حلى الشتلات
