من اقوى موتر فرويل (طبعأ في قطر ) - منتديات صور العاب افلام ثيمات برامج قصص

 

السلام عليكم ورحمة الله وبركاته
اخواني اعضاء منتديات مايهزك ريــح وكوبـــــس
تذكر قول الله تعالى (( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ ))
اليـــــوم حاب أسأل عن اقوى مواتر فوول فئة الفورويل (التيربو - سوبر ) ومن هو صاحب اقوى موتر !!
لانــــي سمعت مواتر وصل قوتها من 575 حصان موتر حمد بو جسوم الفكتوري ..وموتر الكونكريس الستاندر السموك اكثر من 600 حصان موتر مهنا .. وسريع الهاجري وصل 830 حصان !! وفيه موتر لفريق مايهزك وصل 700 وشويات ..
وجميع هذه السيارات من دون غاز
( طبعأ فريق العنابــي خارج هذه المنافسه لوجود لامكانيه لا محدوده ..)
الموضوع ..
سمعنا مواتر كثيره ولاكن اين هذه السيارات الفووول ..
ماسمعنا لا هذه السيارات فقط
1- سريع الهاجري الكحلي الستاندر .. ونراه في كثير من لاحيان على الطريق لاكاديميه وتجربته مع كورفت
2- موتر حمد بو جسوم في الدرق ريس ام القيوين
ولاكن اين فريق (مايهــزك ريــــــح ! اين الكوبــس اين فريق الكونكريس اين فريق العابر اين واين نسمع بقوة محركات فقط فئة كامات )..
يمكن حد يقولي الطقس (الجوء ) ماعليش بتمر عليها لايام وراح نعرف القوه اين تكمن ..
ارجو ان نكون عقلانين في الرد دون تحيز !!
مع العلم ! في حالت الرد نريد اثبات في (القول بالفعل )دوون لجوء الى العنصريه للفريق وتحيز نبي نشوف من دون حد يقول ((فلان موتره موقف بالبيت او فلان حاط عليه طربال )),,
مع العلم لانريد سيارات خارجه عن الخدمه (يعني اطلعت من الساحه نبي نعرف من بقى بساحه حاليأ )
1- ذكر صاحب السياره !
2- ذكر المحرك وفئة التزويد !
3- ذكر قوة المحرك وكم حصان !
4 - وأخيرأ الفريق المنتمى له هذا الشخص ..
5- عدم ذكر ارقام السياره (للأمان فقط )

وأرجو من لاخوان طرح ردود مقنعه وحضاريه لا نريد اثارت مشاكل نبي
موضوع حلو يرتقي للعالميه حوار رياضي
تقبلو مني فائق لاحترام
جونو

 

تذكر قول الله تعالى (( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ ))

يعطيك العافية على الموضوع

وانا اتوقع تصير فيه حساسية
لكن الموضوع حلووو وبدايته حلوووووه
وانشالله الردووود تكووون احلى

واتمنى من الاعضاء اللي بيشاركووون في الموضوع يعني بيكتبوون عن موتر يكوون نفس ماذكر اخوي جونو
وانا انشالله بستفسر لك عن موترين موجودة في الدوحه

بس بغيتك تعطينا خبر يعني توضح لاخوانا الاعضاء عادي يذكرووون المواتر في الامارات

والرجاء الالتزام بالقوانين
يعني بالعربي تكفوووون نبي موضوع واحد في القسم يكووون خالي من المشاكل

تحياتي لـــــــــــــك

 

يعطيك العافيه
أخوي كنترول
والله يعطيك العافيـــــه على دورك الكبيــــــر
بخصوص الموضوع
واضح من العنوان ((من اقوى فورويل (طبعأ في قطر ))

واما بخصوص حساسية الموضوع
انشـــــالله نتأمل خيــــــــــر
واعتقــــــــد الكل مراح يقصـــــــــر في الموضوع
ويعطيه حقه انشالله
اهم شي دعواتك اغاليــــــــه للموضوع
تقبل مني فائق لاحترام والتقدير
جونو

 

اولآ موضووع حلوو ومميز

يعطيك العافية وحتى لو فية حساسية

يكفي الكتابة مرتبة وخصوصآ ذكر الله سبحان وتعالئ

انا أعتقد اقوى موتر اذا جي أكس :- جابر الغيثاني

لان الكل يتكلم عنـة ..

اما نيسان :- علي جرحب المري

وشكـــــرآ

تحياتي لكم

 

صحيح كلام اخوي كمبيوتر موتك تقريبا اقوى موتر موتر جابر اللي نسمع عنة ونشوفة اما الباقي
نسمع عنة ومانشوفة ..........
واعتقد انة بيكون عند حسن ظنكم ..................... والسموحة على الاطالة

 

السلام عليكم الله لايهينك على الموضوع الطيب وانشاءلله يعدي بدون مشاكل بخصوص الجيات الي في الدوحه حاليا اعتقد موتر سريع وموتر العمادي وموتر مهنا هذي على ماظن انها اقوى الجيات في الدوحه بخصوص مهنا كلمناه قبل اسبوع نبغي نجرب معه في موتر سريع وقلناله برمج على بترول ريس روكب بلكات دنسو وحنا ننتظرك وقال ابشرو ببرمج وبرد اكم خبر وللحين مارد علينا يعني اذا رد ترقبوا ريس خشن .

بخصوص النياسين شفت انا موتر المظيحكي العنابي مكينة فتك فول الي كان مرتب عند فورملا شفته عند خالد البلوشي قبل فتره ومشتغل عليه شغل لا يعلى عليه والمظيحكي من تيم مايهزك ريح .

وبخصوص قروب العابر يعني مع احترامي الشديد هم حق كام كربيتر بس مالهم في الريسات كلش حق استعراض بس .

 

 

يسلموو اخووي على الموضووع المميز ومشالله عليك كلامك كله عين العقل

بس اخووي اعتقد انك ما دشيت على القوانين الي في المنتدى لانه احنا مانعين مثل هذي المواضيع

بس طريقت كتاابة الموضووع والكلاام الى قلته يشجعنا على انه ما نغلق الموضووع

وانشالله يعدى على خير وما يصير اى مشااكل وهذا الي نتمنااه وياليت انهم يكونون

عند حسن الضن فيهم ويلتزموون في القوانين وانا واثق انهم عند حسن ضنا فيهم

وتذكرو قول الله تعالى (( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ ))

واسمحو لي على الاطااله

المستحيـــل