السلام عليكم ورحمه الله وبركآته
شحالكم يالربع اربكم بخير ؟
اليوم جآيب لكم موضوع أنشاءالله تستفيدون منه ؟
تبدأ الاراء لاكثر من شركة هولي بانواعه او ديمون بانواعه او حتى ادل بروك وغيرها من الشركات
وبعدين نجي للحجم واللي يناسب المكينة .......
بالنسبة للشركات المشهورة خآرج بلدنآ لني ادري ماعندنا شي من الخير انا ابصم بالعشرة ان الادل بروك
المفروض يطلع خارج المقارنة اذا كانت المكينة مجهز للريس لان نظامة قريب للستريت اكثر من الريس او
للاستخدام اليومي , فهوا بلا شك عملي , سهل , اقل صرفية للبترول , ولكن ادؤها ضعيف . بس اكيد فيه ناس
بتطلع لك وتقول ان راعي التطعيس وضرب بطن بالعديد ما ينفع معاهم الا الادل بروك . طبعا من ناحية علمية
صحيح السبب في هذا لو تشوف معاي صورة الادل بروك تجي عوامته ( خزاناته ) يمين ويسار
بعكس الهولي او الديمون اللي تجي عوامته امام والخلف فلذلك ان صعدت السيارة يبدأ يقل منسوب النبزين في العوامة الامامية ويقل بالخلفية مما يسبب كتمة للسيارة او انها تطفى . اما الادل بروك يكون البنزين بنفس المكان .
عموما اللي اشوفه ان هذا الكلام ينقصه الخبرة وغير صحيح وكلا من الهولي والديمون ينفعون للعديد وادؤهم بلا شك افضل بمراحل وحل المشكلة هذي سهل وموجود في كاتلوجاتهم وفيه اكسسوارات تحل هذي المسأل ولكن شرحها يحتاج الى وقت .
نرجع لكلامنا
صفينا على شركتين مشهورات الديمون او الهولي
قبل ان نبدأ بتصنيف هذي الشركتين خل نفهم كيف يعمل الكربيتر المشهور ( 2 بمب ) سواء الديمون او الهولي , عند تشغيل السيارة يعتمد الكربيتر على انزال الوقود على فاكم ( سحب ) السيارة ويتم العمل في حالة الوقوف على العوامة الامامية (PRIMARY ) بدون اي حاجه للعوامة الخلفية , في حالة الدعس تكون هناك مرحلتين لتدفق البترول . الاولى وصول العوامة الامامية للمرحلة القصوى وافراغها بصورة مفاجئة (سواء من الجتات من اسفل او البور فالف او في البمب المؤقت) . بعدها المرحلة الثانية والتي تبدأ فيها عمل العوامة الخلفية secondary بطريقة ميكانيكة عن طريق وصل قطعة حديد للدعسة الثانية تبدا بالسحب والتي بالتاكيد ستكون اكبر من العوامة الامامية
طبعا كفكرة تعتبر بدائية وقديمة بس مفيدة جدا , وهي مشكلة السيارة في حالة الوقوف تحتاج الى كمية بنزين قليلة جدا وخاصة في حالة عدم ( تحميل المكينة يعني المشي فيها) ولكن في حالة زيادة الار بي ام تكون لدى معظم المحركات استعداد كامل لاحراق اكبر كمية ممكنة تتوفر في غرفة الاحتراق , وكل ما زادت الكمية بطريقة معقولة معناها زيادة بالقوة بشكل غير معقول .........
ميزة الهولي والديمون وبوجود العوامتين عند الدعس المفاجأ يعطي المكينة شحنة قوية تساعدها على وصول الار بي ام باسرع وقت وبلا تردد وبشكل عنيف .
وعلى هذا الاساس تبدأ الانواع تتعدد بالشركات والاشكال تختلف ولكن بالطبع الفكرة واحدة ......... فمثلا عند الديمون انواع كثيرة مثل الستريت وهذا شكلة
وهذا نوع ثاني سعره ضعف الي فوق واسمه المقاتل < الله يكفينا شره < هــع
لو تلاحظ الفرق في التصميم والانسيابية ......
وفيه انواع للريس واحجام مختلفة
ايضا الهولي فيه العادي وهذي صورته
وهذا هولي فئة برو ايضا ضعف السعر وبتصميم مختلف
تختلف انواع الكربيترات في ما بينها على حسب نظام الفلو حقها يعني الانسابيه فيها بالاضافة الى طريقة خلط ومزج الهواء بالوقود وبالتأكيد تكون الفروقات على حساب الاداء ............ وعلى هذا الاساس تكون الاسعار متفاوته بالاضافة الى نوعية الاستخدام والتي تختلف بين محركات الاستعمال اليومي او لسباقات الشوارع او الدرق ريس
فمثلا اغلب الشباب اللي يستخدم الهولي يستخدم هذا النموذج
بينما هناك نماذك افضل من ناحية الاداء
وهذي صورته
وغيرها وايضا الديمون يأتي بانواع مختلفة وليس بنوع واحد
اما عن الكربيترات الكبيرة (الدومينتر والكنج ) فهي فئة مختلفة كليا وتستخدم للريس فقط
صورة للحجم الكبير الدومنتير
بقي اخيرا ان ننوه ان بعض الشباب يجيب كربيتر دومنتير ويحطه على ثلاجة بفتحة كربيتر عادي ويحط التحويله من دومنتير الى عادي , وهذي بالطبع سيقلل من الاداء المفروض , لان من اهم الميزات في الدومنتير ان فتحة الكبيرة فيه وبالتأكيد في الثلاجة , اما ان كان واحده مختلفه عن الثانية فبالتأكيد سيقل الفلو المطلوب .
وهذي صورة الفلنجه (( وتركب على ثلاجة الشركه ))
وان شاءالله استفدوو
واسمحولي على القصور
.
جـمـيـع الـحـقـوق مـحـفـوظـه لــدى : منتديآت كوبس & مايهزك ريح
ولكم مني كل التقدير والاحترام : كـــوبسي حتى الـنـخـآع
حــصــريـــآ: أنــواع الكــربـيـتـرات بالـصــور
