هذي مجموعة من القصائد
أتمنى أن تحوز على إعجــابكم
ليه انت بالذات ليمن غبت تشغلني؟
وغيرك لياغاب قلت الله يسهل له
ليه انت تقدر تعاندني وتسهرني؟وليه انت تقدر تعقد القلب وتحله؟
يمكن لأنك بعيد وصرت ساكني
واللي أكيد الشعور اللي انت محتله
(حمد بن سعد المسرع)▪▪▪
§»«§»«§»«§»«§»«§»«§»«§»«§»«§»«§»«§»«§»«§»«§»«§
قهرني الوقت الردي والبخـت شـح !
وأجبرني الغالي على طمـرت السـور
ياصاحبي صوتي وانا آصيح بك ..بـح
أبغى وصالك وانـت لاهـي ومسـرور
فهّمتني طـرق الهـوا يالغـلا صـح
واصبحت فيها جامعي .. قوول دكتور
ان قلت روّح جيت! وان قلت لي رح
أروح ..وبطاعة أوامرك ..معذور
(مضحي الرويلي)▪▪▪
§»«§»«§»«§»«§»«§»«§»«§»«§»«§»«§»«§»«§»«§»«§»«§
عزي لمن كثرت عليه العذاريب
والحظ خانه وانهك القل حاله
وعزي لمن حده زمانه عن الطيب
والعوز طال اللي بقا من حلاله
وعزي لضيف ماحشموه المعازيب
شاف المهانه عندهم والرزاله
(الهذال)▪▪▪
§»«§»«§»«§»«§»«§»«§»«§»«§»«§»«§»«§»«§»«§»«§»«§
يقولون العرب صدر الشمالي مايضيق بساع
وانا اقول الصدور اليوم ماعادت شماليه
بدت في داخلي ضيقه عجزت القى لها مطلاع
تغيب وترجع وترجع تغيب ومالها نيه
عمتني كلمة جتني وضقت وضاق صدر القاع
الا يالله لاتجزى غشيم قالها فيه
(خلف المشعان)▪▪▪
§»«§»«§»«§»«§»«§»«§»«§»«§»«§»«§»«§»«§»«§»«§»«§
خـلاص اليوم لا عاشـق ولا قمرا
ولا ظلما ولا قلـب بوفا ساري
بـودع ليلة الحـرمان والمسرا
بودع حسـرتي لجـل الوفا وناري
كتاب العمر لك مفتـوح وانت اقـرا
ظلمني العشـق وأقسمت آخذ بثاري
(فالح العجلان)▪▪▪
§»«§»«§»«§»«§»«§»«§»«§»«§»«§»«§»«§»«§»«§»«§»«§
تضيق بي الدنيا بكبرها من معابيس الوجيه
وهذاك لامنه تبسم شفت للدنيا طرف
مني وليه احببته اهو حبني منه وليه
من غير لا أنا اعترف ومن غير لاهو يعترف
(سعد علوش)▪▪▪
§»«§»«§»«§»«§»«§»«§»«§»«§»«§»«§»«§»«§»«§»«§»«§
لا ما افكر كيف ابحيا بلا حب
لكن افكر كيف تحيا بدوني
ان كان لك قلب فانا كنت لك قلب
احلى حياة شفتها في جنوني
ياما رويتك بالهـوى حلو وعذب
ولا تحـّرك غير عينك شجوني
ما اقول عن فعلك وعن غيبتك تب
بالعكس جرب كيف تحيا بدوني
(غريبة الدار)▪▪▪
§»«§»«§»«§»«§»«§»«§»«§»«§»«§»«§»«§»«§»«§»«§»«§
بس الخفوق اللي تبيه؟الله ياصغـر الطلب
ياصاحبي لاتستحي من شي ودك تكسبه
لبيه ياعمري فدتك أهل الملامة والعتب
لبيه كثر اللي عشانك كنت أضيفه واشطبه
يامن لعبت بحسبة اللي محدن به قد لعب
قل وش بقى بك مايفر العقل فر ويسلبه
§»«§»«§»«§»«§»«§»«§»«§»«§»«§»«§»«§»«§»«§»«§»«§
صديقي لو يبي نفعي ؟نفعني!!
ولو يلحقه من نفعي مضرّه
ولامن ضـامـني وقتي رفعني
وضـحكة ناجذي دايم تـسرّه
وزماني لو يبعثرني جـمعـني
خشـيري في الزمن خـيره وشـرّه
نويت أهـينك ولكن مـنعني
شعورٍ بالوفاء !!! لله درّه
(سعيد الحمالي)▪▪▪
§»«§»«§»«§»«§»«§»«§»«§»«§»«§»«§»«§»«§»«§»«§»«§
يا عساني صدق ولعتك وهميتك
ويا عساك بجد تعشقني وتهواني
ولو تقول اني بغيابي عنك عنيتك
انت همك صرت اعده حسبة اخواني
(محمد جارالله السهلي)▪▪▪
§»«§»«§»«§»«§»«§»«§»«§»«§»«§»«§»«§»«§»«§»«§»«§
لاتحب ان كل كلمه بتسمعها وكاد
ولاتصدق هرج شاعر وتخدعك الظنون
دايم اعرف مل شاعر يهيم بكل واد
وانهم دايم يقولون مالا يفعلون
حتى انا اللي قلت اعشقك ولا اطيق البعاد
يمكن اطلع لاعشقتك ولا هم يحزنون !!
(حامد زيد)▪▪▪
§»«§»«§»«§»«§»«§»«§»«§»«§»«§»«§»«§»«§»«§»«§»«§
+ مجموعة من القصائد +
