!!!مهمه مستحيله في جامعه البنات!!! - منتديات صور العاب افلام ثيمات برامج قصص

صورة من موضوع لطالبات الجامعة ..
وصورة لبوفيه الجامعه في مبنى رقم [12] ..
وبالمرة صورة زايدة لصديقي [ بدر الشوق ] , [ مع الاعتذار [



بدأت قصتي عندما دخل صديقي [ بدر الشوق ] في عالم الحب ذالك العالم الغامض الذي لا ينيرة اي مصباح حتى لو اقتربت الشمس نفسها فلن تنير لا جزء يسير من ضلمتة لا بسمح الا بمن كان بصره مثل بصر زرقاء اليمامة ان نراى ما يجول مابداخيلة ... فكيف بحالنا ونحن نعاني من ضعف في النظر رغم اكلنا لكميات من الجزر ...
لقد حظر الي وهو يروي لي قصة حبة المشؤومة وعن ظروف صيقتة الي لا يتطيع رؤويتها فحارت نفسة النتنة ان تسول له ان يزور شهادتي الثانويه بأسمي و أسمه كي يقدمها لجامعه الخاصه بالفتيات ونكون من منسوبيها كي يحقق رغبته ويرى حبة الذي نما مع كثر المكالمات وشحن البطاقات [ والله يافي ناس رهنو بطاقة الاحوال ] فقد البسني ملابس نسائية وازال شعر جسدي بالنير ... لاشترط علية والغضب يشتعل في جسدي ان البس اللون الحمر ولكنه نهاني وقال ان ادارة الجامعه تمنع الملابس ذات الالوان الفاقعة والجذابة واننا سوف نكر من بوبات التفتيش وهناك سننال كما من التوبيخ غير البصاق في حالة المخالفة ,,
لا اريد انا اطيل عليكم وسأدعكم مع هذي القصة التي سوفا اسردها عليكم بالعامية


[ البـــــــــــــــــدايــــــــــــــــــــــــــة ]


وقفنا عند باب الجامعة عندما تزلنا خوينا وحنا لابسين عبايات مخصرة وكل واحد ردفة يوقف عليه بقرة حامل وانا اقول لـ[بدر الشوق ] انا خايف يقولي جمد قلبك يا [ ابو هديب ] قلت احس بألم قال لا تخلي الالم يدخل قي قلبك مهو في قلبي الالم في رجلي من ضيق الجزمة اسكت لا تفضحنا وعلى شان تتناسى الوجع تخيل انك تتطويل من ورى جدار على شان تطل على امركيات وهو يتسبحون ,, قلت ابو الاقناع الي تعرفة وهو يقولي وش اسويلك . طنشته وتقدمت خطوة وانا اترنح وهو يمسكني ويقولي زبط مشيتك كذا بيقولون انك جاية للجامعة سكرانة قلت لا تخاف انا بصرفهم بقول لهم شاربة باور هورس منتي وسبب لي مشاكل نغزني بكوعه وهو يقول يا [شهيرة ] وقفت اناظر له من هي شهيرة قال انت يا [ ابو هديب ] انت اسمك شهيرة قلت لة لا ياخوي اسمة شهيرة قريب من كلمة فطيرة ابي اسم زي الناس قال مافي مجال نغيرة في الاوراق مكتوب كذا.. قلت طيب وانت وش اسمك وقف بسبل بعيونه اللي ملطسة كحل انا اسمي [ يارة ] قلت نفس الشي قريب من كلمة بيارة اجل انا احسن منك ودخلنا بوابه رقم [2] ولقينا شؤون الطالبات يفتشون وعتقنا من هم بشق الانفس وحنا نمشي متجهين لمبنى رقم [24] قسم التربية الخاصة بالجامعة وحنا نمشي نقزقز هالبنات الي يظحكون وكل ثلاثة مع بعض متجهين على شكل مجموعات للقاعات وانا اناظر للجدول وقول وش علينا هالحين قال لي [ بدر الشوق ] علينا مادة [ سلم ] وقفت وانا اقول مو معقول التنورة ضيقة احس بتصلب في شرايين رجلي كذا بتجيني غرغرينل لو استمر الوضع كذا ... مسكني [ بدر الشوق ] وهو يقولي وش فيك مطير التنور لنصف صدرك نزلها شوي طالع كنك هندي لابس وزار .. قلت طيب وهو يمسكني ويقولي بالله بسرعو على شان نلحق على المحاظرة.. مشيت بالحسرة كني طفلة فيها كساح ..
قلت مهو مشكلة .. وانا ااشر اقول هذي القاعة رقم [12] ..
دخلنا وجلسنا على الكراسي وقلت ل[بدر الشوق ] قلت من الي تدرسنا قال الدكتورة [ حليمة] قلت مو معقول [ حليمة بولند ] تدرس في الجامعة هذي قال اية هي قديمة من سنه 1405هـ موجودة ومهعا تكتوراه وما جستير من مصر بس خلك ساكت لا تلفت الانتباة وحنا جالسن دخلت وحه فيها غرور وشايفة وشوفة نفس كانها بتستفرغ من نفسها ..
وانا اتمتم وين حليمة ودي اخذ منها توقيع بعد المحاظرة . نغزني [ بدر الشوق ] يقولي حليمة قدامك المدرسة السودانية الي دخلت ... قلت مو معقولة هذي حليمة هذا تزوير رسمي في اسامي الدلع كيف يجي هالسم الزين على بقايا عظام الضبعة هذي .. وانا اعلق سمعتني وحدة الي بجنبي وقامت واشخف قلبها من الضحك وانشخف قلبي معها ,, قالت معاك [هدى ] قالت وش رايك بعد المحاظرة نتواعد بالبوفيه .. قلت مهو مشكله لو تبينا نتواعد بالصناعية و[ بدر الشوق ] بجنبي يقول بصوت واطي اجل بالصاعية تسمع الحب ..

خلصت المحاظرة بشق الانفس بعد ان استهلكنا فيها كميا من السعابيل والسبة والنوم الغلط..
طلعنا من المحاظر مصابين بالام في الظهر وتنمل بالرجلين وانا اقول لـ [بدر الشوق ] وين البوفيه البنت مواعتني هناك قال في مبنى رقم [13]
قالي ابخليك معها بالبوفية وانا باحاول اقابل خويتي قلت مهو مشكلةجتني وحده تقولي صديقتي تبغى تتعرف عليك ... قلت مهو مشكلة خليها تجي نتشرف والله شوي راحت وجت هي وخويتها وانا لا ازبط الشراب هالبايخ الي بدون مغلط كل شوي يطيح وانا ازبط سمعت صوت غريب كنه صوت احتكاك اشجار لكان الهواء شمالي ..

رفعت راسي واشوف هذيك البنت السوداء الخالة الي تقول لليل وخر بجي مكانك .. مدة يدها وهي تقول السلام عليكم سلمت عليها وانا مندهش وهي تقول انا اسمي [شروق ] ابتسمت في وجهها وقلت غريبة مع العلم ان وجهك يوحي بالغروب ابسمت السوداء [شروق ] وهي تقول يمقبولة منك ياعسل قلت امري قالت معليش انا شفتك واعجبت فيك وحابة اتعرف عليك وتكونين صديقة لي خاصة .. قلت لها اسفة انا من زمان بطلت اقتني حيونات وثاني شي انا مش بتاعه الحركات هذي ان اكون لك الحنان والدلع ..
ابتسمت شروق وهي تدلع بس قلبي تعلق فيك .. صرخت في وجهها من زين قلبك هالحين الي كنة ماكينة كريسيدا الزم ما علي سمعتي بكرا يجيني واحد يخطبيني ويدري اني وقفت معاك وتكلمت يمكن يغيير رايه اسمحيلي قلت طيب ممكن طلب اخير ,؟,, قلت طيب وش هو ابيك تكتبين لي اهداء بخط يدك وتكتبين اول حرف من اسمك قلت طيب معاك طامس قالت لا قلت طيب عطيني قلم ..
وجلست اكتب لمدة عشر دقايق وهي تسولف مع الي جنبها وانا قلت خلصت . ناظرت [شورق] وهي تقرا بصوت عالي [ عاش ابو رايش . ابو هاجوس مرعب النفوس .. الطريق مغلق الرجا عدم المرور بين قوسن فندق الوحدة ] قالت وش هذا قلبتي يدي جدار مدرس وبعدين وش ذا بين قوسين فندق الوحدة قلت وانا ابتسم ما ادري وش معناها دئما اشوف الشباب يكتبوناه على براميل الزبايل قات اكتب هالكلمة في المكان المناسب وما لقيت انسب من يدك اكتبها عليها مشيت وخليتها واتجهت للبوفية وجلست على الطاولة وانا اشوف هالبنات الي يروحون ويجون مجتمعات .. الي كاش وغنية والي فقيرة ومنزوية والي حامل يالله تشيل نفسها والي تظحك بصوت على [ يعنني منسمة ] وانا جالس على الطاولة مستمتع بالريحة المفنة حقت البوفيه جاني [ بدر الشوق ] يقولي شف اتصلت على البنت وبتقولي بتخلص المحاظرة وبتجي بس اتمنا انك ما تقوم معي قلت ليش خلنا نشوف هالجمال الي مسحبنا على شانه للجامعه وانا اتكلم جت [هدى ] البنت الي كانت جنبي يالمحاظرة وابتسمت في وجههي وقالت ممكن نجلس معكم قلت وقلبي يخفق اجلسي على الكراسي واذا ما في كراسي انا مستعدة اتعلم السحر واسحر زميلتي [ يارة ] واقلبها كرسي لك ... انا قلت [ يارة ] طاحو البنات من الظحك ويقلون ل[بدر الشوق بالله اسمك يارة قال ايه وفالت وحده منهم وانتي وش اسمك قلت انا [ شهيرة ] ويدلعوني [ ام هديب ] انا قلت كذا طاحوا البنات من الظحك وتقولي وحدة منهم وش هالاسامي اسامي لبنانيين ... قلت ايه الوالدة جدها لبناني على شان كذا نعود من عائلة الاطارش قالت لي وحده منهم غريبة مع العلم ان اشباهك اشباه يمنية طاقها الجوع .. ابتسمت وانا العب بخصلة من خصل شعر قلت قصدك على بشرتي الي مخرب بشرتي من كثرما نسافر لليمن وانتي تعرفين الي يسافر لليمن ويشرب من موية النيل حقهم لازم يرجع جاني كوع من [ بدر الشوق ] وهو يقولي وش هو نيله الي باليمن نعنبو غيرك ما درست جغرافيا ق,. قلت من زين هالجغرافيا كله عن طقس المملكة من الابتدائي الين الجامعه والطقس هو هو ما تغير
ابسمت وحده منهم قالت ممكن تكونين صديقتي قلت مهو مشكلة لو تتينيني او تسكنين بغرفه السواق حقكم ووحدة من البنات تأشر علي قالت وش تحبين تشربين قمت وانا متحمس وقلت علي الطلاق ما احد يجيب الطلابات غيري والبنات وقفو يناظرون لي مستغربين وانا استوعبت اني دمرت المسأله .. [ بدر الشوق ] اساذن يبي يقابل خويته قلت الله يلعنه اخوي علمني هالكلامات وعلقت في لساني .. رحت اجيب الطلابات وانا ماشي ااسمع هالبنات الي يتكلمن الي في الميك اب والي يحشون في الدكاترة ةالي يتكلمون عن سؤ الزفلته وكمية الحصى الي تكسر الرجلين وبنت تاشر علي هي وخويتها تقول شوفي جسمها طالعه كانها غسالة باب طين وانا ووحد جالسة على الكرسي حابسة دمعتها وهي تكلم بالجوال والله يا [ مشعل ] ما صكيته في وجهك عمد كان عندي محاظرة وهو شكله يهزئها ومستقوي عليها والمنديل في يدها منعفط وحالته حاله وتمسح عينها تسوي ان عينها فيها شعره على شان ما احد ينتبة رجعت للبوفيه لقيت البنات متضايقين ومهمومين قلت وش القصة يابنات سلامات ووحدة منهم قالت لي [ هدي ] متضايقة رحت وجلست جنب هدى قلت سلامات وش الي مكدرك قال لا ما في شي قلت [هدى] حنا صرنا اصدقاء وبعد شوي بيصير بننا كروسون كافي عشان كذا وش فيك ؟؟؟..... قالت لي ما ادري احس بضيقه قاطعتها يحق لي اعرف وش سبب هالضيقه والا للحين تشوفين اني غريبه قالت وش دعوة انتي هالحين صرتي منا وفينا تمونين قلت اجل وش القصة قالت وهي تتنهد انا تعرفة على واحد بالانترنت وصرت اتكلم معه فترة وكان يطلب صورتي بالحاح وقلت له صورتي بالجهاز ماوريك ايها الا توريني صورتك وشفت صورته بعدها قلت له مالك شي عندي حقد علي وطلب من الهكر يهكر على جهازي واخذ الصورة وطلب رقمي وعطيته وهالحين يبي يقابلني وانا مبتلشه ..
قلت لا حول ولا قوة الا بالله وش هالبنات مصايبهم كثيرة مالك هم والي يخلصك منه قالت كيف .. عطتني رقمه وحفظته وقلت لها فليها ووسعي صدرك شوفي خويتك ذي الب وجهها كنه دونات بدون سكرا ظحكت البنت بدون نفس بعدها حسيت بمغص قطع احشائي الي من قوته وقفت وانا وانا اقول عن اذنكم يابنات الين ابعدت عندهم وارفع النتورة واركض والسقان مشعرة الين وقفت عند بنت والوجع صيطر على خلايا مخي قلت لها وين دورة مياة الرجال قالت انتي تنكتين والا فقدتي الحيا قلت لها ابوس رجلك وينها اقرب دورة قالت هناك
دخلت الحمامات ولقيت البنات مجتمعين على المريات يعدلون في الميك اب وان قلت عن اذنكم بنات دورة المياة جيت ابدخل لقيت [شروق ] في وجهي تقولي معقوله وش ذي الصدف الغريبه قلت لا مو صدف اصلا انا كنت متوقعه القاك هنا لان هذا مكانك الطبيعي دفيت البنت ودخلت والبنت تمسكت بطرف الباب وسكرت على اصبعها .. وصرخت صرخه رجة الجامهة بعدها افتحي الباب باحيواانه انا قلت بكل برود شديد وش ذي الالفاض المنحطه بين البنات [[ ما ادري انها تكلمني ]] طلعت من الدورة لقيت [شورق طايحة على الارض ووجهها ازرق قلت لها وصلت فيك الوقاحه تطلين علي من تحت الباب قالت وش اطل انتي سكرتي الباب على اصبعي الله لا يوفقك قلت لها انا ما ابي اتعرف عليك انتي بالنسبة لي محل كفرات مستعملة واخذت شنطتي وسطرتها على خشتها ومشيت للبوفيه هذا انا ابقو ل[هدى ] لا تشلين هم دخل علينا [ بدري الشوق ] ممكن اكلم [ شهيرة ] على انفراد قمت وطلعت معه قلت له وش السالفه قال امش خلنا نطلع طلعت البنت بشعه كنها حراشف سمك قلت خير ياطير انت هالحين زين على شان تعذرب البنت اهم شي الجوهر اذا هي تحبك ما في مشكله .. قال اقولك خلنا نطلع .. قلت طيب بستاذن من البنات طلعنا من الجامعه
قلت كلامي وطلعت من الجامعه ورجليني منتفخه من ضيق الجزمة وخصري يبي ينقطع من التنورة ..

جالسين في البيت وقالي [ بدر الشوق ] تحطم حبي يوم شفت وجهها طلعت شينه .. قلت لا تدقق الحب مهو بالجمال الحب بالاخلاق والعشرة والمعرفة ..
بعدها تدقيت على الرجال وقلت له انا خوية [هدى ] سمعت صوتك وانت تكلمها واعجبت فيك واخذت الرقم من جوالها وهي ما تدري [[ ياكثر ما تصير هالحركه بين البنات ]] وابي اتعرف عليك تعرفت عليه وطلبت اني اقابلة ... وعطااني موعد .. ورحت له وانا مرسم بالشماغ وقلت له ممكن يالحبيب قلت له ممكن نجلس شوي قال لي وش تبي قلت له معليش بس يمكن تنصدم انا الي كان يتصل عليك و[هدى] الي تكلمك كانت واحد من الشباب كانا نلعب عليك والصراحه انت احسن واحد لعب دور الحمار بالقصة وبخصوص الصورة الي عندك تراها مقصوصه من مجلة واتمنى ما اكون صدمتك .... شوي ثمن جاني بقس خلخل عظامي ورم خشتي وبدأ يلكم والناس اجتمعت وقامت تفك وانا غايبه شمسي معد اشوف صرت اشوف الاموات الي معنا حسيت اني انتقلت الى الرفيق الاعلى من قوة البقوس حسيتها طالعه من قلب وبحقد .. وبعدها رحت للبيت وطلعت الكمادات واكياس الحم الي بالفريزر وصفتطها على وجهي .. بعد ايام اتصلت على [ هدى ]وهي تقولي وش سويتي لرجال يقولي لعاد تمثل انت وخشتك تراك ولد وما ادري ايش وخويك جلتده .. قلت لها بهدوء ممكن تسمعيني شوي على شان تفهمين وش السالفه قالت انا معك جميلك هذا مستحيل انساة لك طول حياتي ....... قلت اهم شي ابيك تسمعيني

انا .... انا..... انا ولد مو بنت زي ما انتي مفكرة ودخلت الجامعه متنكر انا وخويي على شان يقابل خويته ومع البلبله اعجبت فيك ولما سمعت قصتك ما هنتي علي عشان كذا قابلت الرجال وكلمته ولعبت عليه حنا شله كبيرة نظحك على الشباب عشان كذا قالك الكلام .. وصدقيني اني مستحقر نفسي على الي سويته لكن اهم شي انك مبسوطه هالحين وهو بعيد عنك قالت وش تقولين انا [ ابو هديب ] المتضرر نفسيا من الي شفته عندكم بالجامعه من جمال ومن امور كثيرة ما توقعتها في عالم البنات .. قالت انا ودي اسكر في وجهك بس برضو انا مش ناكرة الجميل الي سويه واشكرك على فزعتك وبصراحه انت دمك خفيف خدودي صارن حمر وانا ما غير هالكلمه الله يسلمك قلت اهم شي انك هالحين مبصوطه قلت انا بطلب مكنك طلب ما ودي اشوف رقمك عندي ولا تشوف رقمي عندكك ممكن قلت اكيد كحت البنت وقالت هذافي وهالحين انا استاذن وسكرت السماعة .. ومنها ما اتصلت عليها ولا هي اتصلت واحترمت رغبتها وعشت في عالم الحب من بعيد لبعيد وفي لذكريات الجامعه الي طلعت الشيب في شعر اذني
[ النهـــــــــــــــــــــــــــايـــــــــــــــــ ـــة ]





تقبلوو تحياتي