قصيدة رجا الزيتون: - منتديات صور العاب افلام ثيمات برامج قصص

السلام عليكم ورحمة الله وبركاته
اتمنى ان تكون هذه المشاركه الاولى في هذا القسم التاريخي عن شعراء بني خالد المعاصرين وحيث امتلك الشي الكثير من القصايد التي مر عليها عشرات السنين من شعراء بني خالد.
اما عن مشاركتي لهذا اليوم هي رديه بين الشاعران: الشاعر/ فالح بن حمد الرحيل والشاعر / رجا بن عبدالله الزيتون
كتبت هذه القصيدتين في عام 1403 هجري والعذر لعدم اتمام القصايد لسوء النسخه الاصليه.
واترككم مع القصيدتين:
1) قصيدة رجا الزيتون:
يا الله يا منشي مزون(ن) ثقيله
يا والي الدنيا عزيز الجلالي

تفرج لقلبي من هموم تشيله
حبل الرجا والياس دايم ببالي

لي مدة(ن) ما نامت العين ليله
ودمعي على خدي تحدر وسالي

يا بو عوض عيني تزايد هميله
وان طال بعد الزين موتي دنالي

هويت زين الوصف مده طويله
وبقيت في عهده سنين(ن) طوالي

يا بو عوض عقبه فلا لي وسيله
بينت لك شكواي واللي طرالي


فكان رد الشاعر فالح الرحيل (ابو عويضه)

يا الله يا اللي كل الامه تسيله
يا والي الدنيا عليك اتكالي

افرج لقلبا(ن) صار وسطه شعيله
من يوم جاني خط ذرب العيالي

يشكي علي والحب ما فيه حيله
قبلك لعبي يا رجا وسم حالي

الهم من قلبك عسى الله يشيله
بنروح ندور يا رجا للغزالي

قربت انا جمسا(ن) جديد(ن) موديله
وركبت ربعي محتمين التوالي

امسلحين و كلهم من قبيله
وجابوا عشير القرم ظبي السهالي

اللي خدوده مثل برق المخيله
وقرون حمر(ن) مثل وصف الحبالي